Martxoak 8 eta Txoro Haize eguna!

Aurreko asteartean Martxoak 8a ospatu genuen ludotekan. Emakumeen eguneko lanketa egiteko ipuin kontaketa bat osatu genuen, hain zuzen, “Gora koloretako azazkalak”. Kontakizunaren bitartez haurrei transmititzen diren genero rolak hautsi nahi dira eta mutil-neska estereotipoekin apurtu. Ipuin kontaketaz gain, antifaz moreak ere egin genituen osagarri bezala.

Bestalde, hilabetero bezala, Txorohaize eguna ospatu genuen. Hilabete honetako erronka pusikez osatutako bola handi airean mantentzeaizan zen goruntz kolpatuz. Hona hemen argazki batzuk:

Aratosteen ostean normaltasuna!

Inhauterien bukatu dira eta gu bueltatu gara betiko martxara. Apaingarriak kendu eta ludoteka bueltatu da bere betiko itxurara.

Txiki zein nagusiek mahai jolas, eraikuntza txokoa eta koltxonetak baliatu dituzte ongi pasatzeko. Hona hemen argazki batzuk:

• 

• 

• 

• 

• 

Aratosteak ludotekan!

Azken asteetan utzitako pisten ondoren jakingo zenuten jada aurten “Itsasoz” mozorratu garela. Piratak, olagarroak, buzeatzaile eta askoz gehiago izan ditugu! Hona hemen atzoko argazkia.

Aratosteak gero eta gertuago!

Aurreko astean hainbat ekintza egin genituen. Eguraldi ona disfrutatuz kanpoko parkera joan ginen jolastera.

Gainera, hilabetero bezala txorohaize eguna antolatu genuen, oraingo honetan mediku makilak bi edalontzitan jarrita egotetik hankarerik beste bi edalontziren gainera pasa behar izan dute. Erronka polita!

Eta amaitzeko, aratosteak gainean ditugula bakoitzak bere mozorroak egiteko tartea ere izan du hona hemen eredu bat:

2.Pista

Aste honetan zehar ere apainketarekin jarraitu dugu, hona hemen 2.pista:

Zertaz mozorrotuko ote gara?

Dakizuen bezala hilabete honetan inhauteriak ospatuko dira eta, ondorioz, gu ere hasi gara prestaketa lanetan. Hona hemen gure mozorroaren pista bat:

TXORO HAIZE EGUNA ASTE HONETAN!

Hilabetero bezala, aurreko asteazkenean Txoro haize eguna ospatu genuen. Proba berezi batzuk antolatzen dira ekimen honen bitartez eta hilabete honetan penduluaren erronka burutu genuen. Baloi bat soka bati lotu eta penduluaren mugimendua eginez, itsasteko kolak hartzea ekiditea zen asmoa, hala ere, gure erabiltzaile trebeek ez zuten inolako arazorik izan baloia saihestu eta kolak hartzeko. Hona hemen argazki batzuk:

PIÑAMUNSTROAK!

Gabonen aurretik bildutako piñaburuak aprobetxatu ditugu hilabeteko esku lana egiteko, hain zuzen: Piñamustroak. Piñaburuak kolore desberdinetako tenperekin margotu genituen lehenengo eta, bigarrenik, musntro itxura eman kolore desberdinetako ponpoiak, paperak eta “limpiapipasekin”.

Horrez gain, aspaldiko partez, txikien taldearekin kanpora atera ginen jolastera euria ez zuela egiten aprobetxatuz.

URTE BERRIARI HASIERA EMATEN!

Gabonetako oporren ostean, heldu diogu urte berriari ludotekan sorpresatxo batzuekin; izan ere, gabonetako oporren aurreko egunean Olentzerori gutuna bidali eta berak opariekin erantzun digu! Txikien talderako “Lince” jolasa ekarri digu eta nagusien talderako “Rummi Classic” eta “Play Stationerako NBA 2k20” jolasa ekarri dizkigu. Hona hemen argazkiak:

• 

• 

• 

• 

GABONAK ETA EGURALDI ONA!

Azken bi asteetan gabonetako apaingarriak prestatzen aritu gara. Txikienekin izarrak margotu eta zuhaitzean itsatsi eta piñaburuekin gabonetako zuhaitzak egin ditugu etxera eramateko.

Nagusiekin berriz, zuhaitza apaintzeko izarrak egiteaz gain, paperezko izarrak egin dituzte papiroflexia teknika erabiliz.

Horrez gain, eguraldi ona aprobetxatzeko asmoz, kanpo jolasak antolatu ditugu: ezkutaketak, karabin-karaban, buztanak lapurtzea, etab.

Azkenik, aurreko urtean hartu genuen ohitura berreskuratzeko asmoz, ipuin kontaketa bat egin genuen: Hiru begiko igela.