URTE BERRIARI HASIERA EMATEN!

17 urtarrila, 2022 atalean eibarkoludoteka -k publikatua

Gabonetako oporren ostean, heldu diogu urte berriari ludotekan sorpresatxo batzuekin; izan ere, gabonetako oporren aurreko egunean Olentzerori gutuna bidali eta berak opariekin erantzun digu! Txikien talderako “Lince” jolasa ekarri digu eta nagusien talderako “Rummi Classic” eta “Play Stationerako NBA 2k20” jolasa ekarri dizkigu. Hona hemen argazkiak:

Sin categoría atalean publikatua | Iruzkin bat utzi

GABONAK ETA EGURALDI ONA!

20 abendua, 2021 atalean eibarkoludoteka -k publikatua

Azken bi asteetan gabonetako apaingarriak prestatzen aritu gara. Txikienekin izarrak margotu eta zuhaitzean itsatsi eta piñaburuekin gabonetako zuhaitzak egin ditugu etxera eramateko.

Nagusiekin berriz, zuhaitza apaintzeko izarrak egiteaz gain, paperezko izarrak egin dituzte papiroflexia teknika erabiliz.

Horrez gain, eguraldi ona aprobetxatzeko asmoz, kanpo jolasak antolatu ditugu: ezkutaketak, karabin-karaban, buztanak lapurtzea, etab.

Azkenik, aurreko urtean hartu genuen ohitura berreskuratzeko asmoz, ipuin kontaketa bat egin genuen: Hiru begiko igela.

Sin categoría atalean publikatua | Iruzkin bat utzi

EUSKARAREN EGUNA!!

9 abendua, 2021 atalean eibarkoludoteka -k publikatua

Ostiralean, abenduak 3, Euskararen eguna ospatu genuen haundi eta txikiekin. Auzoan pankarta jarri genuen eta hau txikiek egin zuten. Nagusiek, hau auzoan jarri eta euskararen inguruko lehiaketa egin zuten. 2 taldetan erreleboka galderaren erantzuna asmatu behar zuten.

Sin categoría atalean publikatua | Iruzkin bat utzi

AZAROAK 25, EMAKUMEENGANAKO INDARKERIAREN AURKAKO EGUNA!

29 azaroa, 2021 atalean eibarkoludoteka -k publikatua

Urtero bezela, egun hau haurrekin landu dugu bai txiki bai handiekin. Horretarako, Gipuzkoako Foru Aldundiaren web orrian adin desberdinetako haurrentzat dauden baliabideak erabili genituen. Txikienekin, marrazki bizidunez aritu ginen, bertan dauden neska eta mutilen arteko protagonismoa orekatua den edo ez eztabaidatuz. Nagusien taldean ordea, egunerokotasunean ematen diren hainbat egoeren hausnarketa egin genuen. Haurrek bizi ahal izan dituzte hainbat egoera azaltzen ziren eta honi erantzun egokiak eman behar zitzaizkien.

Sin categoría atalean publikatua | Iruzkin bat utzi

GAZTAINERRE, TXOROHAIZE, FILMEA ETA ASKOZ GEHIAGO!

22 azaroa, 2021 atalean eibarkoludoteka -k publikatua

Aurreko astean denetarik egiteko aukera izan genuen gurean! Astea Gaztainerre egunaren ospakizunarekin hasi genuen nagusi zein txikiekin, horretarako, gaztainak lavan prestatu eta kukurutxo eleganteak osatu genituen ondoren irteeran jateko.

Txikiekin Kukuryku antzezlana ikusteko hainbat sarrera banatu genituen proba desberdinen bitartez: lehenengo proba,aulkiak bizkorren ongi jartzean zatzan eta bigarrena, berriz, aulki jokoan. Zorionak irabazleei!

Hona hemen argazki batzuk:

Nagusiekin berriz, esperimentuen hilabteari jarraipena emateko asmoz, Slimea egin genuen. Bizarra mozteko espuma, kolorantea, arropa garbitzeko xaboia eta kola txuria nahastuta osatu genuen gure Slimea!

Astea bukatzeko hilabeteko filmaren emankizuna izan genuen, oraingoan, Billy Elliot pelikula ospetsua izan zen aukeratutakoa.

Azkenik, betiko dinamikarekin jarraitu dugu mahai jolasetan… eta oraingo aste honetan puzzleek izan dute arrakasta!

Sin categoría atalean publikatua | Iruzkin bat utzi

HOSTO BILKETA ETA TXOROHAIZE EGUNA

16 azaroa, 2021 atalean eibarkoludoteka -k publikatua

Oraingo honetan udazkenean gaudela aprobetxatuz, hostoak batzera irten gara auzora eta bildutako hostoekin eskulana burutu dugu. Hona hemen eskulanaren emaitzak:

Eskulanaz gain, nagusiekin hilabeteko bigarren esperimentua egin dugu, Ostadarra. Esperimentu hau osatzeko dentsitate desberdineko likidoak erabili ditugu hala nola, eztia, jaboia, olioa, ura eta alkohola. Begira ze politak geratzen den!

Amaitzeko, urteko lehenengo txorohaize eguna ospatu dugu. Urteari hasiera emateko, uztai bati soka lotu eta uztailarekin baloia harrapatu eta beregana ekartzea iza da helburua. Irabazleak KUKURYKU antzezlanerako 2 sarrera irabazi ditu.

Sin categoría atalean publikatua | Iruzkin bat utzi

ESPERIMENTUA ETA GONBIDAPENA!

8 azaroa, 2021 atalean eibarkoludoteka -k publikatua

Pandemia aurreko ohiturak berreskuratzeko asmoz, nagusiekin lagunen gonbidapena ospatu genuen pasa den ostiralean. Nagusien taldeko erabiltzaileek beren laguneai ludoteka ezagutzeko aukera eman zieten eta horietako batzuk guregana gerturatu ziren.

Bigarrenik, esperimentuen hilabeteari hasiera eman genion lehenengo esperimentuarekin: Telefonoa. Esperimentu honen bitartez, soinua nola hedatzen den ikusteko aukera izan genuen bi yogur pote eta soka baten laguntzaz.

Bukatzeko, txikiekin betiko dinamikarekin jarraitzen dugu: barne jolasak, izenen esku lanak, mahai jolasak… eta askoz gehiago!

Sin categoría atalean publikatua | Iruzkin bat utzi

ARIMEN GAUA LUDOTEKAN!

2 azaroa, 2021 atalean eibarkoludoteka -k publikatua

Pasa den ostiralean Arimen gauaren ospakizuna egin genuen ludotekan, tamalez, ez genuen auzora irtetzeko ohitura jarraitu gaur egungo egoerak ez baitugu uzten eta. Hala ere, beste era bateko ospakizuna egin genuen, horretarako bi eratako eskulanak burutu ziren; alde batetik, mandarinak kalabaza bihurtu genituen eta, bestetik, marrazki ezkutuak egin genituen arimen gauaren tematika jarraituz.

Bestalde, astean zehar betiko dinamika jarraitu dugu eta batez ere kalean jolasean aritu gara eguraldi ona aprobetxatuz.

Hona hemen argazki batzuk:

Sin categoría atalean publikatua | Iruzkin bat utzi

LUDOTEKA BERRIZ MARTXAN!

25 urria, 2021 atalean eibarkoludoteka -k publikatua

Pasa den urriaren 13an irekiera eman genion aurtengo ikasturteari. Aste eta erdi honetan erabiltzaile berriek ludotekako txokoak,dinamikak, jolasak eta erabiltzaile zaharrak ezagutu dituzte eta pixkanaka denon artean erritmoa hartzen goaz.

Hona hemen egun hauetan egin ditugun hainbat ekintzen argazkiak:

Sin categoría atalean publikatua | Iruzkin bat utzi

TXOROHAIZE EGUNA ETA KANPO JOLASAK!

17 maiatza, 2021 atalean eibarkoludoteka -k publikatua

Aurreko astean esan bezala, txorohaize egunerako boloak egin genituen eta aste honetan Txorohaize eguna ospatu dugu boloetara jolasten! Egunkariarekin eta zeloarekin egindako pelotekin guk sortutako boloak bota behar zituzten erabiltzaileek, hone hemen argazki batzuk:

Horrez gain, eguraldi ona aprobetxatzeko asmoz, kanpo jolasak egin genituen ludoteka kanpoak: Bampiro, lau eskinak…

Bukatzeko, haurren sormenetik sortutako eskulanak ere egin genituen.

Sin categoría atalean publikatua | Iruzkin bat utzi